«Ինտերի» հաղթանակը, Մխիթարյանի գոլը (ֆոտո, վիդեո)

Իտալիայի փոխչեմպիոն «Ինտերը» Մալթայում ընկերական հանդիպում անցկացրեց ավստրիական «Զալցբուրգի» հետ։ Իտալացի Սիմոնե Ինձագիի գլխավորած թիմն առավելության հասավ 4:0 հաշվով։

Դուբլի հեղինակ դարձավ Հայաստանի հավաքականի նախկին կիսապաշտպան Հենրիխ Մխիթարյանը, որն աչքի ընկավ 20-րդ եւ 72-րդ րոպեներին, սակայն երկրորդ գոլը գրանցվեց «Զալցբուրգի» բրազիլացի պաշտպան Բերնարդոյի անվան դիմաց։

«Ինտերի» երկրորդ գոլը 42-րդ րոպեին խփեց իտալացի պաշտպան Ֆրանչեսկո Աչերբին: Ավելացված առաջին րոպեին հաշիվը 4:0 դարձրեց 17-ամյա արգենտինացի կիսապաշտպան Վալենտին Կարբոնին։

Մխիթարյանը մեկնարկային կազմում էր եւ փոխարինվեց 80-րդ րոպեին։

Finisce qui #InterSalisburgo
A segno due volte Mkhitaryan, Acerbi e Carboni #ForzaInter pic.twitter.com/u1NdyQLATL

— Inter (@Inter) December 7, 2022

#InterSalisburgo

In gol #Mkhitaryan (doppietta), #Acerbi e #Carboni #ForzaInter #Inter #RadioNerazzurra pic.twitter.com/LkJGEwIpso

— Radio Nerazzurra (@Rnerazzurrait) December 7, 2022