Բրազիլացի ֆուտբոլիստները շնորհավորել են թիմի մարզիչ Ֆաբիո Մահսերեջյանին ծննդյան օրվա առթիվ (ֆոտո)

12:55   7 դեկտեմբերի, 2022

Ֆուտբոլի Բրազիլիայի հավաքականի ֆիզպատրաստության մարզիչ Ֆաբիո Մահսերեջյանը դեկտեմբերի 6-ին նշել է ծննդյան 56-ամյակը։ Քաթարում ընթացող աշխարհի առաջնությունում քառորդ եզրափակիչ դուրս եկած բրազիլացիները շնորհավորել են բրազիլահայ մասնագետին ծննդյան օրվա կապակցությամբ։

Բրազիլիայի հավաքականի պաշտոնական ֆեյսբուքյան էջը լուսանկար է հրապարակել։

Ֆաբիո Մահսերեջյանը Բրազիլիայի հավաքականի մարզչական շտաբում է 2014 թվականից։ Դրանից առաջ նա ֆիզպատրաստության մարզիչ է եղել բրազիլական «Գրեմիոյում» եւ «Կորինտիանսում»։

Քառորդ եզրափակիչում Բրազիլիայի հավաքականը կմրցի աշխարհի փոխչեմպիոն Խորվաթիայի հետ։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։