Պորտուգալիայի հավաքականի 37-ամյա հարձակվող Կրիշտիանու Ռոնալդուն հերքել է լուրերը, թե կարիերան շարունակելու է Սաուդյան Արաբիայի «Ալ Նասր» ակումբում։
«Ոչ, դա սուտ է»,- ասել է Ռոնալդուն պորտուգալական Record-ին։
Ֆուտբոլիստը դեռ հույս ունի այս մրցաշրջանում հանդես գալ Չեմպիոնների լիգայի փլեյ-օֆֆ դուրս եկած թիմում։ Անցած ամիս ֆուտբոլիստն ու անգլիական «Մանչեսթեր Յունայթեդը» խզել են պայմանագիրը, որը նախատեսված էր մինչեւ այս մրցաշրջանի ավարտը։
Ավելի վաղ իսպանական Marca-ն հաղորդել էր, որ Սաուդյան Արաբիայի թագաժառանգին պատկանող ակումբը Ռոնալդուի հետ կկնքի 2,5 տարվա պայմանագիր, տարեկան մոտ 200 միլիոն եվրո վարձատրությամբ, որը կներառի նաեւ գովազդային արշավներից եկամուտը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։