Լեւոն Արոնյանն ու Անիտա Այվազյանը ցույց են տվել նորածին դստերը եւ բացահայտել անունը (տեսանյութ)
00:04 7 դեկտեմբերի, 2022Հայաստանի հավաքականի կազմում շախմատի Համաշխարհային օլիմպիադայի եռակի չեմպիոն Լեւոն Արոնյանը, Անիտա Այվազյանի եւ 1,5 ամսական դստեր հետ ԱՄՆ-ում ներկա են եղել ջազ երեկոյի, որի ընթացքում ծանոթացել են ամերիկյան ջազ երգչուհի, «Գրեմմի» մրցանակի հավակնորդ Սթեյսի Քենթի հետ:
Կրկնակի աշխարհի գավաթակրի սիրելին Ֆեյսբուքում եւ Ինստագրամում ջազ երգչուհու հետ հանդիպումից տեսանյութ է հրապարակել։
Անիտա Այվազյանը բացահայտել է փոքրիկի անունը: Զույգը դստերն անվանել է Զաբել:
«Մեր ընտանիքի համար շատ հաճելի էր ծանոթանալ հանրահայտ Սթեյսի Քենթի եւ նրա ամուսնու հետ: Ի դեպ, սա Զաբելի առաջին ջազ համերգն էր եւ այն նրան շատ դուր եկավ»,- տեսանյութը մակագրել է Լեւոն Արոնյանի սիրելին:
Հիշեցնենք, որ ԱՄՆ հավաքականի կազմում հանդես եկող Լեւոն Արոնյանի առաջնեկը ծնվել է հոկտեմբերի 21-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։