ԱԱ-2022. Խորվաթիան 11-մետրանոցներով հաղթեց ճապոնացիներին (ֆոտո, վիդեո)
21:45 5 դեկտեմբերի, 2022Ֆուտբոլի աշխարհի առաջնության 1/8 եզրափակիչի խաղում աշխարհի փոխչեմպիոն Խորվաթիայի հավաքականը հետխաղային 11-մետրանոցներով հաղթեց ճապոնացիներին եւ դուրս եկավ քառորդ եզրափակիչ։ Հիմնական ժամանակն ավարտվել էր ոչ ոքի՝ 1:1։
Խաղի հաշիվը 43-րդ րոպեին բացեց Ճապոնիայի հավաքականը անկյունայինի խաղարկումից հետո։ Գերմանական «Շալկեի» 34-ամյա պաշտպան Մայա Յոշիդայի փոխանցումից հետո աչքի ընկավ շոտլանդական «Սելթիկի» 25-ամյա հարձակվող Դայձեն Մաեդան (տեսանյութ)։
Captain love. #JPNCRO #JPN #FIFAWorldCup pic.twitter.com/G9ekScwelc
— FIFA Fussball-Weltmeisterschaft (@fifaworldcup_de) December 5, 2022
Խորվաթիայի հավաքականը հաշվի հավասարությունը վերականգնեց երկրորդ խաղակեսում։ 56-րդ րոպեին գոլի հեղինակ դարձավ Լոնդոնի «Տոտետնհեմի» 33-ամյա հարձակվող Իվան Պերիշիչը, որին արդյունավետ փոխանցում կատարեց Սանկտ Պետերբուրգի «Զենիթի» 33-ամյա պաշտպան Դեյան Լովրենը (տեսանյութ)։
#JPNCRO #HRV #FIFAWorldCup #Perisic pic.twitter.com/EDM0O77pVY
— FIFA Fussball-Weltmeisterschaft (@fifaworldcup_de) December 5, 2022
Նշանակվեց լրացուցիչ ժամանակ, որի ընթացքում թիմերը գոլ խփել չկարողացան։
Հետխաղային 11-մետրանոցներով Խորվաթիան առավելության հասավ 3:1 հաշվով։
Երեք սեյվ կատարեց Զագրեբի «Դինամոյի» 27-ամյա դարպասապահ Դոմինիկ Լիվակովիչը։ Ճապոնիայից վրիպեցին «Մոնակոյի» 27-ամյա հարձակվող Տակումի Մինամինոն, անգլիական «Բրայթոնի» 25-ամյա կիսապաշտպան Կաորու Միտոման եւ Մայա Յոշիդան։ Միակ հարվածն արդյունավետ իրացրեց գերմանական «Բոխումի» 28-ամյա հարձակվող Տակումա Ասանոն։
Drei Elfmeter gehalten. Stark, Dominik LIVAKOVIC! #JPNESP #FIFAWorldCup #HRV pic.twitter.com/8waGIwcys8
— FIFA Fussball-Weltmeisterschaft (@fifaworldcup_de) December 5, 2022
Խորվաթիայի թիմից հաջողության հասան իտալական «Տորինոյի» 25-ամյա կիսապաշտպան Նիկոլա Վլաշիչը, Միլանի «Ինտերի» 30-ամյա կիսապաշտպան Մարցելո Բրոզովիչը եւ իտալական «Ատալանտայի» 27-ամյա կիսապաշտպան Մարիո Պաշալիչը։ Վրիպեց միայն խորվաթական «Հայդուկի» 29-ամյա հարձակվող Մարկո Լիվայան (տեսանյութ)։
Խորվաթիան քառորդ եզրափակիչում կմրցի Բրազիլիա - Հարավային Կորեա զույգի հաղթողի հետ։
Այդ հանդիպումը կմեկնարկի Երեւանի ժամանակով 23:00-ին։
ԱԱ-2022, 1/8 եզրափակիչ
Ճապոնիա - Խորվաթիա՝ 1:1 (1:1, 0:0, 11մ՝ 1:3)
Դայձեն Մաեդա, 43 - Իվան Պերիշիչ, 56
Achtelfinale Nummer ! #FIFAWorldCup #JPNCRO #JPN #HRV pic.twitter.com/fvcUY7Vhx4
— FIFA Fussball-Weltmeisterschaft (@fifaworldcup_de) December 5, 2022
"Kämpfen, wie einst die Samurai", hatte @YutoNagatomo5 ankündigt. #JPNCRO #FIFAWorldCup pic.twitter.com/qAgjHbVWfT
— FIFA Fussball-Weltmeisterschaft (@fifaworldcup_de) December 5, 2022
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.