ԱԱ-2022. Նեյմարը կկարողանա խաղալ Հարավային Կորեայի դեմ

Ֆուտբոլի Բրազիլիայի հավաքականի հարձակվող Նեյմարը կկարողանա մասնակցել աշխարհի առաջնության 1/8 եզրափակիչի հանդիպմանը Հարավային Կորեայի թիմի դեմ, հաղորդում է ESPN-ը։

Այդ մասին նախախաղային ասուլիսում հայտնել է Բրազիլիայի հավաքականի գլխավոր մարզիչ Տիտեն։

Նեյմարը ոտնաթաթի վնասվածք էր ստացել սերբերի դեմ խմբային փուլի առաջին տուրի խաղում եւ բաց թողել հաջորդ երկու խաղերը։

30-ամյա հարձակվողը վերսկսել էր մարզումները Տիտեի գլխավորած թիմի ընդհանուր խմբում դեկտեմբերի 3-ին։

Բրազիլիա - Հարավային Կորեա հանդիպումը տեղի կունենա դեկտեմբերի 5-ին եւ կմեկնարկի Երեւանի ժամանակով 23:00-ին։