ԱԱ-2022․ Օրվա հանդիպումները
09:19 4 դեկտեմբերի, 2022Ֆուտբոլի աշխարհի առաջնության 1/8 եզրափակիչի երկրորդ օրը տեղի կունենա եւս երկու հանդիպում։
Աշխարհի չեմպիոն Ֆրանսիայի հավաքականը կմրցի Լեհաստանի թիմի հետ։ Հանդիպումը կմեկնարկի Երեւանի ժամանակով 19:00-ին։
Ֆրանսիայի եւ Լեհաստանի հավաքականները նախորդ անգամ պաշտոնական հանդիպում ունեցել են Եվրո-1996-ին ընտրական փուլում։ Առաջին խաղը Լեհաստանում ավարտվել է 0:0 հաշվով, երկրորդ խաղը Ֆրանսիայում՝ 1:1 հաշվով։
Դրանից հետո թիմերն անցկացրել են երեք ընկերական խաղ՝ վերջինը 2011 թվականին։ Երկու անգամ 1:0 հաշվով հաղթել են ֆրանսիացիները, մեկ հանդիպում էլ ավարտվել է ոչ ոքի՝ 0:0:
Օրվա երկրորդ խաղում Անգլիայի հավաքականը քառորդ եզրափակիչի ուղեգրի համար կմրցի Աֆրիկայի չեմպիոն Սենեգալի հետ։ Սա կլինի թիմերի առաջին հանդիպումը։
Այս զույգերի հաղթողները իրար դեմ կխաղան քառորդ եզրափակիչում։
ԱԱ-2022, 1/8 եզրափակիչ
Ֆրանսիա - Լեհաստան` 19:00 (Երեւանի ժամանակ)
Անգլիա - Սենեգալ՝ 23:00
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.