ԱԱ-2022․ Օրվա հանդիպումները
08:55 3 դեկտեմբերի, 2022Ֆուտբոլի աշխարհի առաջնությունում դեկտեմբերի 3-ին մեկնարկում է 1/8 եզրափակիչը։ Տեղի կունենա երկու հանդիպում։
Նիդեռլանդների հավաքականը կմրցի ԱՄՆ-ի հետ։ Խաղը կմեկնարկի Երեւանի ժամանակով 19:00-ին։
Պաշտոնական խաղում հոլանդացիներն ու ամերիկացիները կհանդիպեն առաջին անգամ։ Նախորդ չորս հանդիպումները եղել են ընկերական։
Հոլանդացիները հաղթել են 2002թ․ մայիսին 2:0 հաշվով, 2004թ․ փետրվարին՝ 1:0 հաշվով, 2010թ․ մարտին՝ 2:1 հաշվով։ Նախորդ անգամ թիմերը հանդիպել են 2015թ․ հունիսին։ 4:3 հաշվով հաղթել են ամերիկացիները։
Օրվա երկրորդ խաղում Ամերիկայի գավաթակիր Արգենտինան կմրցի ավստրալացիների հետ։ Այդ խաղը կմեկնարկի Երեւանի ժամանակով 23:00-ին։
Արգենտինայի եւ Ավստրալիայի թիմերը հանդիպել են 4 անգամ։ 1994թ․ աշխարհի առաջնության ընտրական փուլի անցումային խաղերում Արգենտինան 1993-ին խաղացել է 1:1 հաշվով ոչ ոքի եւ հաղթել է 1:0 հաշվով՝ նվաճելով եզրափակիչ մրցաշարի ուղեգիր։ 2005թ․ Կոնֆեդերացիների գավաթի խաղարկությունում Արգենտինան հաղթել է 4:2 հաշվով։ Նախորդ հանդիպումը եղել է ընկերական։ 2007-ին Արգենտինան ավստրալացիներին հաղթել է նվազագույն հաշվով։
Քառորդ եզրափակիչում Նիդեռլանդներ - ԱՄՆ զույգի հաղթողը կհանդիպի Արգենտինա - Ավստրալիա զույգի հաղթողի հետ։
ԱԱ-2022, 1/8 եզրափակիչ
Դեկտեմբերի 3
Նիդեռլանդներ - ԱՄՆ՝ 19:00 (Երեւանի ժամանակ)
Արգենտինա - Ավստրալիա` 23:00
Դեկտեմբերի 4
Ֆրանսիա - Լեհաստան` 19:00
Անգլիա - Սենեգալ՝ 23:00
Դեկտեմբերի 5
Ճապոնիա - Խորվաթիա` 19:00
Բրազիլիա - Հարավային Կորեա` 23:00
Դեկտեմբերի 6
Մարոկկո - Իսպանիա` 19:00
Պորտուգալիա - Շվեյցարիա` 23:00
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.