Հովհաննես Բաչկովի հաղթանակը 30-ամյակի օրը (տեսանյութ)
23:56 2 դեկտեմբերի, 2022Տոկիոյի Օլիմպիական խաղերի բրոնզե մեդալակիր Հովհաննես Բաչկովը չորրորդ մենամարտն անցկացրեց պրոֆեսիոնալ ռինգում եւ տարավ չորրորդ հաղթանակը։ Նա հասավ վստահ հաղթանակի իր ծննդյան 30-ամյակի օրը։
Ուզբեկստանի մայրաքաղաք Տաշքենդում անցկացված պրոֆեսիոնալ բռնցքամարտի LIFT պրոմոութերական ընկերության երեկոյում Հայաստանի ներկայացուցիչը երկու ռաունդում պարտության մատնեց մեքսիկացի Մարկոս Գոնսալես Բարազային։ Երկրորդ ռաունդում Բաչկովը նոկդաունի ենթարկեց մրցակցին, որը կարողացավ ավարտին հասցնել ռաունդը, սակայն ընդմիջումից հետո հրաժարվեց շարունակել մենամարտւ։
Գյումրեցի բռնցքամարտիկի նախորդ մենամարտը տեղի էր ունեցել այս տարվա մարտի 19-ին Դուբայում անցկացված պրոֆեսիոնալ բռնցքամարտի Probellum պրոմոութերական ընկերության մրցաշարում։ Բաչկովը բացարձակ առավելությամբ հաղթել էր 39-ամյա արգենտինացի Կրիստիան Կորիային։ Գյումրեցի բռնցքամարտիկը գրանցել էր տեխնիկական նոկաուտ։ Ռինգի մրցավարը մենամարտը կանգնեցրել է 8-րդ ռաունդում եւ գրանցել հաղթանակ։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։