Թուրք մեկնաբանը հեռացվել է աշխատանքից եթերում Հական Շուքյուրին հիշատակելու համար

20:10   2 դեկտեմբերի, 2022

Թուրք ֆուտբոլային մեկնաբան Ալպեր Բաքիրջիգիլը աշխարհի առաջնության խմբային փուլի երրորդ տուրի Կանադա - Մարոկկո հանդիպման ընդմիջմանը հեռացվել է աշխատանքից եթերում հայտնի թուրք ֆուտբոլիստ Հական Շուքյուրին հիշատակելու համար։ Նա նշել էր, որ աշխարհի առաջնություններում պատմության մեջ ամենարագ գոլը խփել է Շուքյուրը, հաղորդում է TRT-ն։

Հետագայում խմբագրությունից հայտնել են, որ մեկնաբանը զրկվել է եթերից, սակայն զգուշացում է ստացել, աշխատանքից չի հեռացվել։

Կարգապահական տույժն ունի քաղաքական շարժառիթ։ Ֆուտբոլային կարիերան ավարտելուց հետո Շուքյուրը սկսել էր քաղաքական գործունեություն։ 2015-ին Էրդողանի կառավարությունը նրան մեղադրեց ծայրահեղական ընդդիմադիրների հետ կապ ունենալու մեջ։ Շուքյուրը ընդդիմադիր հայացքների համար հետապնդումներից հետո լքել էր Թուրքիան, իսկ հիմա տաքսու վարորդ է ԱՄՆ-ում (ֆոտո)։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։