«Բորուսիայի» տնօրենը՝ Բելգինգեմի հնարավոր տրանսֆերի մասին․ Մի սպասեք, որ նվեր կմատուցենք «Լիվերպուլին»

Դորտմունդի «Բորուսիայի» մարզական տնօրեն Կարստեն Կրամերը մեկնաբանել է լուրերը գերմանական թիմի եւ Անգլիայի հավաքականի 19-ամյա կիսապաշտպան Ջուդ Բելինգեմի նկատմամբ Անգլիայի փոխչեմպիոն «Լիվերպուլի» հետաքրքրության մասին։

«Մենք շատ երջանիկ ենք, որ Ջուդը հանդես է գալիս մեր ակումբում։ Ինչքան երկար խաղա մեր թիմում, այդքան լավ։

Իհարկե, մենք մեծ համակրանքով ենք վերաբերվում «Լիվերպուլին»։ Մենք նախկինի նման լավ հարաբերություններ ունենք Յուրգեն Կլոպի  եւ այդ ակումբի այլ ներկայացուցիչների հետ։

«Լիվերպուլն» իմ ամենասիրելի ակումբն է Պրեմիեր լիգայում, բայց մի սպասեք, որ մենք նվեր կմատուցենք «Լիվերպուլին»»,- Կրամերի խոսքը մեջբերում է Vietnam News-ը։

«Բորուսիան» Վիետնամում ընկերական հանդիպում է անցկացրել այդ երկրի հավաքականի հետ եւ պարտվել է 1:2 հաշվով։