Հայաստանի 11 բռնցքամարտիկ մասնակցել է Բելառուսի մայրաքաղաք Մինսկում անցկացված միջազգային մրցաշարին: Հավաքականի գլխավոր մարզիչ Կարեն Աղամալյանը ռինգ էր հանել հիմնականում երկրորդ համարներին։
Ռուսլան Ասլիկյանը (57 կգ) անցկացրեց չորս հաղթական մենամարտ և գրավեց առաջին տեղը: Նրա թիմակիցներից 54 կգ քաշային Հենրիխ Սահակյանը բավարարվեց երկրորդ տեղով, իսկ Արթուր Շախպազյանը (63,5 կգ), Արթուր Հովհաննիսյանը (51 կգ) և Հենրիկ Չխրիկյանը (86 կգ) նվաճեցին բրոնզե մեդալներ, հաղորդում է ՀԱՕԿ-ի լրատվականը։
Մինչև տարեվերջ, հնարավոր է, Արթուր Բազեյանը (57 կգ) և գերծանր քաշային Դավիթ Չալոյանը մասնակցեն Դուբայում նախատեսված «Ադամանդե գոտի» անվանումով միջազգային հեղինակավոր մրցաշարին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։