Հանս-Դիտեր Ֆլիկ․ Մեր հիասթափությունն ահռելի է

Գերմանիայի հավաքականի գլխավոր մարզիչ Հանս-Դիտեր Ֆլիկը մեկնաբանել է աշխարհի առաջնության խմբային փուլի արգելքը չհաղթահարելը։

Խմբային փուլի վերջին տուրում գերմանացիները 4:2 հաշվով հաղթեցին Կոստա Ռիկային, սակայն Իսպանիայի հավաքականը 1:2 հաշվով պարտվեց ճապոնացիներին, որոնք բարձրացան առաջին տեղ, Իսպանիան 4 միավորով գրավեց երկրորդ տեղը, իսկ Գերմանիան 4 միավորով երրորդն է։

«Ես չեմ մեղադրում Իսպանիային։ Ինքներս ենք մեղավոր մեր տապալման համար, պետք է ավելի արդյունավետ խաղայինք առաջին երկու տուրերում։ Մենք շատ ժամանակ ունեինք, հատկապես, Ճապոնիայի հետ տանուլ տված խաղում եւ իսպանացիների դեմ։ Մեր հիասթափությունն ահռելի է»,- Ֆլիկի խոսքը մեջբերում է Bayern&Germany-ն։

Գերմանիայի հավաքականը ճապոնացիներին պարտվել էր 1:2 հաշվով, Իսպանիայի հետ խաղացել էր ոչ ոքի՝ 1:1:

2014-ին աշխարհի չեմպիոնի տիտղոսը նվաճելուց հետո Գերմանիան երկրորդ առաջնությունում անընդմեջ դուրս չեկավ փլեյ-օֆֆ։