Տոկիոյի Օլիմպիական խաղերի բրոնզե մեդալակիր Հովհաննես Բաչկովը չորրորդ մենամարտը կանցկացնի պրոֆեսիոնալ ռինգում՝ դեկտեմբերի 2-ին Ուզբեկստանի մայրաքաղաք Տաշքենդում անցկացվելիք պրոֆեսիոնալ բռնցքամարտի LIFT պրոմոութերական ընկերության երեկոյում: Մրցակիցը մեքսիկացի Մարկոս Գոնսալես Բարազայն է։
Արդեն տեղի է ունեցել մրցակիցների կշռման արարողությունն ու հայացքների մենամարտը։
Պրոֆեսիոնալ ռինգում Բաչկովն անցկացրել է 3 մենամարտ, տարել 3 հաղթանակ։
Գյումրեցի բռնցքամարտիկի նախորդ մենամարտը տեղի է ունեցել այս տարվա մարտի 19-ին Դուբայում անցկացված պրոֆեսիոնալ բռնցքամարտի Probellum պրոմոութերական ընկերության մրցաշարում 29-ամյա Բաչկովը բացարձակ առավելությամբ հաղթել էր 39-ամյա արգենտինացի Կրիստիան Կորիային։ Գյումրեցի բռնցքամարտիկը գրանցել էր տեխնիկական նոկաուտ։ Ռինգի մրցավարը մենամարտը կանգնեցրել է 8-րդ ռաունդում եւ գրանցել հաղթանակ։
Մրցակիցն անցկացրել է 24 մենամարտ, տարել 22 հաղթանակ, 2 պարտություն։
Բաչկովի չորրորդ մենամարտը տեղի կունենա նրա ծննդյան օրը: Դեկտեմբերի 2-ին Եվրոպայի եռակի չեմպիոնը դառնում է 30 տարեկան։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։