ԱԱ-2022. Արգենտինայի հավաքականի ռեկորդը

Ֆուտբոլի Արգենտինայի հավաքականն աշխարհի առաջնությունների ռեկորդ է սահմանել։ Խմբային փուլի վերջին տուրի խաղում Լիոնել Սկալոնիի գլխավորած թիմը 2:0 հաշվով պարտության էր մատնել Լեհաստանի թիմին եւ խմբում առաջին տեղից դուրս եկել 1/8 եզրափակիչ։

Արգենտինացիներն այդ խաղում կատարել են 800 ճշգրիտ փոխանցում, ինչը ռեկորդային ցուցանիշ է, հաղորդում է Opta-ն։ Աշխարհի առաջնություններում ռեկորդային է նաեւ արգենտինացիների ճշգրիտ փոխանցումների տոկոսը փոխանցումների ընդհանուր քանակից՝ 92 տոկոս։

Արգենտինայի հավաքականը 1/8 եզրափակիչում կմրցի Ավստրալիայի թիմի հետ։