Մեսի․ Իմացա, որ գերազանցել եմ Մարադոնայի ռեկորդը, հավատում եմ, որ նա շատ ուրախ կլիներ
14:58 1 դեկտեմբերի, 2022Արգենտինայի հավաքականի ավագ եւ հարձակվող, 35-ամյա Լիոնել Մեսին մեկնաբանել է իր նվաճումը՝ որով գերազանցել է Դիեգո Մարադոնայի ռեկորդը աշխարհի առաջնություններում հանդիպումների քանակով։ Մեսին 22 խաղ է անցկացրել եզրափակիչ մրցաշարերում, Մարադոնան՝ 21 խաղ։
«Իմացա, որ գերազանցել եմ Մարադոնայի ռեկորդը։ Խաղից առաջ չգիտեի։ Ես երջանիկ եմ, որ կարող եմ այսպիսի ռեկորդներ գրանցել։
Հավատում եմ, որ Մարադոնան շատ ուրախ կլիներ իմ նվաճումների առիթով։ Նա միշտ մեծ սիրով է վերաբերվել ինձ։ Նա միշտ երջանիկ էր, երբ իմ խաղը ստացվում էր»,- Մեսիի խոսքը մեջբերում է RMC Sport-ը։
Մեսին 15-րդ խաղն է անցկացրել աշխարհի առաջնություններում ազգային թիմի ավագի կարգավիճակում։ Ռեկորդակիրը Մարադոնան է՝ 16 խաղ։
Աշխարհի առաջնության խմբային փուլի վերջին տուրում Արգենտինայի հավաքականը 2:0 հաշվով հաղթել էր Լեհաստանին եւ առաջին տեղից դուրս եկել 1/8 եզրափակիչ։ Արգենտինացիների մրցակիցը կլինի Ավստրալիան։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.