Իսպանիայի չեմպիոն եւ Չեմպիոնների լիգայի գավաթակիր Մադրիդի «Ռեալը» հետաքրքրված է անգլիական «Մանչեսթեր Յունայթեդի» եւ Պորտուգալիայի հավաքականի 28-ամյա կիսապաշտպան Բրունու Ֆերնանդեշի ծառայություններով, հաղորդում է Record-ը։
Արքայական ակումբը հետեւում է Ֆերնանդեշի հետ կապված զարգացումներին «Մանչեսթեր Յունայթեդում»։ Ֆուտբոլիստը դժգոհ է հոլանդացի գլխավոր մարզիչ Էրիկ տեն Հագի ղեկավարությամբ աշխատանքից եւ դեմ չէ «Ռեալում» կարիերան շարունակելու տարբերակին։
Ֆերնանդեշի պայմանագիրը «Մանչեսթեր Յունայթեդի» հետ նախատեսված է մինչեւ 2026թ․ հունիս։ Transfermarkt-ը նրա տրանսֆերային արժեքը գնահատում է 75 միլիոն եվրո։
Ընթացիկ մրցաշրջանում Ֆերնանդեշը «Մանչեսթեր Յունայթեդի» հետ բոլոր մրցաշարերում մասնակցել է 26 հանդիպման, խփել 4 գոլ, կատարել 4 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։