Ամերիկայի գավաթակիր Արգենտինայի հավաքականի եւ Ֆրանսիայի չեմպիոն ՊՍԺ-ի 35-ամյա հարձակվող Լիոնել Մեսին կրկնել է Գանայի հավաքականի նախկին խաղացող Ասամո Գյանի հակառեկորդը։ Աշխարհի առաջնություններում նա 2 անգամ չի կարողացել արդյունավետ իրացնել 11-մետրանոցը։
Խմբային փուլի վերջին տուրի խաղում Արգենտինայի հավաքականը 2:0 հաշվով հաղթեց լեհերին։ Մեսին կարող էր խաղի հաշիվը բացեց 37-րդ րոպեին, սակայն նրա հարվածից հետո սեյվ կատարեց Լեհաստանի թիմի դարպասապահ Վոյցեխ Շչեսնին։
2018-ին Մեսին չէր կարողացել 11-մետրանոցն արդյունավետ իրացնել Իսլանդիայի թիմի դեմ խաղում։
Ասամոա Գյանը 2006-ին չէր կարողացել 11-մետրանոցից գրավել Չեխոիայի հավաքականի, 2010-ին՝ Ուրուգվայի հավաքականի դարպասը։
Արգենտինայի հավաքականը դուրս է եկել 1/8 եզրափակիչ եւ դեկտեմբերի 3-ին կմրցի Ավստրալիայի թիմի հետ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։