Ռեշֆորդը խփել է Անգլիայի 100-րդ գոլն ԱԱ-ներում

09:33   30 նոյեմբերի, 2022

Անգլիայի հավաքականի 100-րդ գոլն աշխարհի առաջնություններում խփել է «Մանչեսթեր Յունայթեդի» հարձակվող Մարկուս Ռեշֆորդը, հաղորդում է Opta-ն։ Խմբային փուլի երրորդ տուրում Անգլիան 3:0 հաշվով հաղթել է ուելսցիներին եւ դուրս եկել 1/8 եզրափակիչ։ Ռեշֆորդը դարձել է դուբլի հեղինակ։

Նա դարձավ «Մանչեսթեր Յունայթեդի» երկրորդ ֆուտբոլիստը, որը խոշոր մրցաշարում (Եվրոպայի կամ աշխարհի առաջնություն) երեք գոլ է խփում, Բոբի Չարլտոնից հետո (ԱԱ-1966)։

1/8 եզրափակիչում Անգլիայի հավաքականի մրցակիցը կլինի Աֆրիկայի չեմպիոն Սենեգալը։ Հանդիպումը տեղի կունենա դեկտեմբերի 4-ին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։