ԱԱ-2022. Նիդեռլանդների եւ Սենեգալի թիմերը դուրս եկան 1/8 եզրափակիչ (ֆոտո, վիդեո)
20:57 29 նոյեմբերի, 2022Աշխարհի առաջնության A խմբից 1/8 եզրափակիչի ուղեգրերը նվաճեցին Նիդեռլանդների եւ Սենեգալի հավաքականները։
Խմբային փուլի վերջին տուրում Նիդեռլանդների թիմը մրցեց առաջնության կազմակերպիչ Քաթարի հավաքականի հետ։ Լուի վան Գալի գլխավորած թիմը խնդիրներ չունեցավ՝ առավելության հասնելով 2:0 հաշվով։
Երրորդ անընդմեջ խաղում գոլի հեղինակ դարձավ «ՊՍՎ Էյնդհովենի» 23-ամյա հարձակվող Կոդի Գակպոն։ Նրան գոլային փոխանցում կատարեց Ամստերդամի «Այաքսի» 29-ամյա կիսապաշտպան Դավի Կլասենը։
v Senegal
— FIFA World Cup (@FIFAWorldCup) November 29, 2022
v Ecuador
v Qatar
Cody Gakpo is having an amazing #FIFAWorldCup!
Հոլանդացիների երկրորդ գոլը 49-րդ րոպեին խփեց կատալոնական «Բարսելոնայի» 25-ամյա կիսապաշտպան Ֆրենկի դե Յոնգը։
Նիդեռլանդների թիմը 7 միավորով գրավեց առաջին տեղը եւ 1/8 եզրափակիչում կմրցի B խմբում երկրորդ տեղը գրաված թիմի հետ։
Երկրորդ ուղեգիրը վիճարկեցին Սենեգալի եւ Էկվադորի հավաքականները։ 2:1 հաշվով առավելության հասան Աֆրիկայի չեմպիոնները։
Սենեգալցիները խաղի հաշիվը բացեցին 44-րդ րոպեին։ 11-մետրանոցն արդյունավետ իրացրեց անգլիական «Ուոթֆորդի» 24-ամյա հարձակվող Իսմաիլա Սառը։
A nation's hopes were resting on his shoulders.
— FIFA World Cup (@FIFAWorldCup) November 29, 2022
Sarr was the coolest man in Doha pic.twitter.com/xNltCF5WAH
68-րդ րոպեին Էկվադորի թիմը կարողացավ վերականգնել հաշվի հավասարությունը։ Մեքսիկական «Սանտոս Լագունայի» 25-ամյա պաշտպան Ֆելիքս Տորեսի փոխանցումից հետո աչքի ընկավ անգլիական «Բրայթոնի» 21-ամյա կիսապաշտպան Մոյսես Կայսեդոն։
Սակայն արդեն հաջորդ գրոհի ժամանակ Սենեգալի թիմը ստացավ տուգանային հարվածի իրավունք, եւ Լոնդոնի «Չելսիի» 31-ամյա պաշտպան Կալիդու Կուլիբալին խփեց հաղթական գոլը։
Iconic. pic.twitter.com/0SiVOCGnf7
— FIFA World Cup (@FIFAWorldCup) November 29, 2022
Սենեգալը 6 միավորով գրավեց երկրորդ տեղը եւ 2002 թվականից հետո առաջին անգամ հանդես կգա փլեյ-օֆֆում։ Էկվադորը 4 միավորով երրորդն է եւ ավարտեց պայքարը։ Քաթարի թիմը երեք պարտություն կրեց։
ԱԱ-2022, երրորդ տուր
A խումբ
Նիդեռլանդներ - Քաթար՝ 2:0 (տեսանյութ)
Կոդի Գակպո, 26, Ֆրենկի դե Յոնգ, 49
Էկվադոր - Սենեգալ՝ 1:2 (տեսանյութ)
Մոյսես Կայսեդո, 68 - Իսմաիլա Սառ, 44, 11մ, Կալիդու Կուլիբալի, 70
Մրցաշարային դրություն․ Նիդեռլանդներ` 7 միավոր, Սենեգալ` 6, Էկվադոր` 4, Քաթար` 0։
A breathless finish is in the post pic.twitter.com/VwF6FEiW5n
— FIFA World Cup (@FIFAWorldCup) November 29, 2022
Here's how things stand in Group A!
— FIFA World Cup (@FIFAWorldCup) November 29, 2022
@OnsOranje & @FootballSenegal advance to the knockout stages #FIFAWorldCup | #Qatar2022
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.