Լուիս Էնրիկե․ Բարդ խաղ կլինի, քանի որ Ճապոնիային հաղթանակ է պետք

12:56   29 նոյեմբերի, 2022

Իսպանիայի հավաքականի գլխավոր մարզիչ Լուիս Էնրիկեն բարդ պայքար է սպասում Ճապոնիայի հետ առաջիկա դիմակայությունում։ Թիմերը կհանդիպեն աշխարհի առաջնության խմբային փուլի երրորդ տուրում։

«Լավ գիտենք Ճապոնիայի հավաքականը, քանի որ արդեն վերլուծել ենք նրանց խաղը աշխարհի առաջնությանը պատրաստվելիս։ Նրանք ունեն բարձրակարգ խաղացողներ, որոնք շատ արագ են, բայց ֆիզիկապես ուժեղ չեն։

Երբ արդյունքի հասնելու կարիք չկա՝ Ճապոնիան դիրքավորվում է սեփական կիսադաշտում, բայց երբ պարտվում է՝ կարող է ճնշում գործադրել։ Մենք պետք է պատրաստ լինենք այս երկու հանգամանքին։ Դրանք կազդեն մեր խաղի որակի վրա։ Ճապոնիայի հավաքականի շատ խաղացողներ հանդես են գալիս Բունդեսլիգայում։ Բարդ խաղ կլինի, քանի որ Ճապոնիային հաղթանակ է պետք»,- Լուիս Էնրիկեի խոսքը մեջբերում է Sport.es-ը։

Ճապոնիա - Իսպանիա հանդիպումը տեղի կունենա դեկտեմբերի 1-ին եւ կմեկնարկի Երեւանի ժամանակով 23:00-ին։

Երկու տուրից հետո Իսպանիան E խմբի առաջատարն է՝ 4 միավոր։ Ճապոնիան ունի 3 միավոր եւ երկրորդն է։ Կոստա Ռիկան 3 միավորով երրորդն է։ Գերմանիան վերջին տեղում է՝ 1 միավոր։ Բոլոր թիմերն էլ պահպանում են 1/8 եզրափակիչ դուրս գալու հնարավորություն։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։