Բրազիլիայի հավաքականի ավագ եւ պաշտպան Տիագո Սիլվան խոստովանել է, որ Շվեյցարիայի հավաքականի դեմ աշխարհի առաջնության խմբային փուլի երկրորդ տուրի խաղում զգացվել է հարձակվող Նեյմարի բացակայությունը։
Ֆրանսիայի չեմպիոն ՊՍԺ-ի 30-ամյա ֆուտբոլիստը ոտնաթաթի վնասվածք էր ստացել Սերբիայի դեմ առաջին տուրի խաղում։ Նրա վերադարձը սպասվում է փլեյ-օֆֆում։
«Շվեյցարիայի դեմ խաղում մենք զգացինք Նեյմարի բացակայությունը։ Թեեւ ուժեղ կոլեկտիվ ունենք, բայց ամբողջ թիմը զգում է նրա պակասը։ Նեյմարն անփոխարինելի խաղացող է»,- Տիագո Սիլվայի խոսքը մեջբերում է beIN Sports-ը։
Սերբիայի նկատմամբ 2:0 եւ Շվեյցարիայի նկատմամբ 1:0 հաշվով հաղթանակներից հետո Բրազիլիան նվաճել է 1/8 եզրափակիչի ուղեգիր։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։