Հանս-Դիտեր Ֆլիկ․ Լուիս Էնրիկեն ֆանտաստիկ թիմ է կառուցել

12:33   27 նոյեմբերի, 2022

Գերմանիայի հավաքականի գլխավոր մարզիչ Հանս-Դիտեր Ֆլիկը խոսել է Իսպանիայի թիմի հետ առաջիկա հանդիպման մասին։

«Այսօր կլինի շատ կարեւոր հանդիպում։ Մենք պետք է արգելափակենք մրցակցին․ ուսումնասիրել ենք, թե ինչպես է հնարավոր դա անել։ Լուիս Էնրիկեն ֆանտաստիկ թիմ է կառուցել։

Ճապոնիայից կրած պարտությունը շատ ծանր էր։ Վստահ եմ, որ հնարավոր էր խուսափել այդ պարտությունից։ Մենք հաղթահարել ենք այդ անհաջողությունը։ Գոհ եմ թիմի աշխատանքից։ Այսօր խաղադաշտում նրանք կանեն առավելագույնը»,- Ֆլիկի խոսքը մեջբերում է Bild-ը։

Խմբային փուլի երկրորդ տուրի Իսպանիա - Գերմանիա հանդիպումը կմեկնարկի Երեւանի ժամանակով 23:00-ին։

Առաջին տուրում Իսպանիան 7:0 հաշվով հաղթել է Կոստա Ռիկային, Գերմանիան 1:2 հաշվով պարտվել է Ճապոնիային։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։