Դանիայի հավաքականի դեմ խաղում (2:1) դուբլի հեղինակ դառնալու շնորհիվ փարիզյան ՊՍԺ-ի եւ աշխարհի չեմպիոն Ֆրանսիայի հավաքականի 23-ամյա հարձակվող Կիլիան Մբապեն աշխարհի առաջնություններում խփած գոլերի քանակը հասցրեց 7-ի եւ այս ցուցանիշով հավասարվեց Արգենտինայի հավաքականի եւ ՊՍԺ-ի 35-ամյա հարձակվող Լիոնել Մեսիին, որը 5-րդ անգամ է մասնակցում աշխարհի առաջնության։ Մբապեն 7 գոլը խփել է 9 խաղում, Մեսին՝ 20 խաղում։
Աշխարհի ընթացիկ առաջնությունում Մբապեն արդեն խփել է 3 գոլ։ Նա աչքի էր ընկել նաեւ խմբային փուլի առաջին տուրի խաղում (4:1)՝ գրավելով Ավստրալիայի թիմի դարպասը։
Մբապեն երկրորդ անգամ է մասնակցում աշխարհի առաջնության։ 2018-ին Մբապեն 7 խաղում խփել էր 4 գոլ եւ հռչակվել աշխարհի չեմպիոն։
Ֆրանսիայի հավաքականում նա խփել է 31 գոլ։ Այդ ցուցանիշով նա հավասարվեց Զինեդին Զիդանին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։