Անգլիայի չեմպիոն «Մանչեսթեր Սիթիի» եւ Բելգիայի հավաքականի կիսապաշտպան Կեւին Դե Բրույնեն խոսել է համաշխարհային ֆուտբոլի աստղերի վարձատրության մասին։
«Ես չեմ կարծում, որ չափազանց մեծ աշխատավարձ եմ ստանում։ Ես համեմատում եմ արտիստի համերգի հետ, որին ներկա է լինում 60 հազար հանդիսական։ Ես երեւույթը տրամաբանական եմ դիտարկում։ Ես իմ աշխատավարձը համեմատում եմ արտիստների վարձատրության հետ։
Միլիոնավոր մարդիկ հեռուստատեսությամբ դիտում են մեր խաղը, ստադիոնում հանդիպմանը հետեւում է 60 հազար մարդ, ակումբի եկամուտը կազմում է 500-600 միլիոն ֆունտ ստերլինգ։ Այո, սա մեծ գումար է, բայց եթե ակումբը կարողանում է վճարել բարձր աշխատավարձ, ապա այդքան էլ մեծ չէ։ Սա ամենահաճելի հարցը չէ, բայց ես այսպես եմ տեսնում իրականությունը»,- Դե Բրույնեի խոսքը մեջբերում է բրիտանական The Guardian-ը։
Ոչ պաշտոնական տվյալներով՝ Դե Բրույնեի շաբաթական աշխատավարձը 350 հազար ֆունտ ստերլինգ է։
Անգլիայի ընթացիկ առաջնությունում Դե Բրույնեն մասնակցել է 14 հանդիպման, խփել 3 գոլ, կատարել 9 գոլային փոխանցում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։