ԱԱ-2022․ Վարանն ու Կունդեն կլինեն Ֆրանսիայի մեկնարկային կազմում Դանիայի դեմ խաղում

12:37   26 նոյեմբերի, 2022

Աշխարհի չեմպիոն Ֆրանսիայի հավաքականի պաշտպան Ռաֆայել Վարանը կլինի Դիդիե Դեշամի գլխավորած թիմի մեկնարկային կազմում Դանիայի դեմ աշխարհի առաջնության խմբային փուլի երկրորդ տուրի խաղում, հաղորդում է ֆրանսիական L'Equipe-ը։ Նա բաց էր թողել առաջին հանդիպումը Ավստրալիայի թիմի դեմ (4:1): Վարանը մեկնարկային կազմում կփոխարինի Դայոտ Ուպամեկանոյին։

Բենժամեն Պավարի փոխարեն պաշտպանության աջ թեւում կխաղա Ժյուլ Կունդեն, որը ավստրալացիների դեմ խաղում դուրս եկավ փոխարինման 89-րդ րոպեին։

Ֆրանսիա - Դանիա հանդիպումը տեղի կունենա նոյեմբերի 26-ին եւ կմեկնարկի Երեւանի ժամանակով 20:00-ին։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։