Վան Գալ․ Լավ խաղ չցուցադրեցինք, Էկվադորը գերազանցեց մեզ
11:24 26 նոյեմբերի, 2022Ֆուտբոլի Նիդեռլանդների հավաքականի գլխավոր մարզիիչ Լուի վան Գալը մեկնաբանել է Էկվադորի թիմի հետ 1:1 հաշվով ոչ ոքի արդյունքն աշխարհի առաջնության խմբային փուլի երկրորդ տուրի խաղում։
«Մենք լավ խաղ չցուցադրեցինք։ Առանց գնդակի լավ էինք խաղում, բայց գնդակով արդյունավետ չեղանք։ Այս խնդիրը նկատվել էր նաեւ առաջին խաղում։ Մենք տանուլ տվեցինք բոլոր մենապայքարները։ Գնդակը քիչ էինք վերահսկում, իսկ առանց դրա հնարավոր չէ մոտենալ մրցակցի դարպասին։ Արագ կորցնում էինք գնդակը եւ չլուծեցինք խնդիրը։
Էկվադորը գերազանցեց մեզ։ Ես զգուշացրել էի, որ Էկվադորը Սենեգալից ուժեղ կլինի։ Մենք վաստակեցինք 1 միավոր մեզնից ուժեղ մրցակցի հետ պայքարում»,- Վան Գալի խոսքը մեջբերում է Ole-ն։
Առաջին տուրում Նիդեռլանդների հավաքականը սենեգալցիներին հաղթել էր 2:0 հաշվով։
ԱԱ-2022. A խումբ, երկրորդ տուր
Կոդի Գակպո, 6 - Էներ Վալենսիա, 49
Մոհամեդ Մունտարի, 78 - Բուլայե Դիա, 41, Ֆամարա Դիեդիու 48, Մամբա Դիենգ, 84
Մրցաշարային դրություն․ Նիդեռլանդներ՝ 4 միավոր, Էկվադոր՝ 4, Սենեգալ՝ 3, Քաթար՝ 0։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.