ԱԱ-2022. Պորտուգալիայի թիմն ուժեղ էր Գանայից՝ 3:2 (տեսանյութ)
21:56 24 նոյեմբերի, 2022Աշխարհի առաջնության խմբային փուլի առաջին տուրի խաղում Պորտուգալիայի հավաքականը մրցեց Գանայի թիմի հետ եւ առավելության հասավ 3:2 հաշվով։
31-րդ րոպեին Պորտուգալիայի հավաքականի ավագ, 37-ամյա հարձակվող Կրիշտիանու Ռոնալդուն գրավեց Գանայի հավաքականի դարպասը, սակայն մրցավարը գրանցեց կանոնների խախտում Ռոնալդուի կողմից պաշտպանի հետ պայքարում։
Աշխարհի առաջնության 5-րդ անգամ մասնակցող Ռոնալդուն գոլի հեղինակ դարձավ 65-րդ րոպեին։ Նա վաստակեց 11-մետրանոց, ինքն էլ արդյունավետ իրացրեց՝ գրավելով մրցակցի դարպասը։ Ռոնալդուն 5 աշխարհի առաջնություններում գոլ խփած առաջին ֆուտբոլիստն է։
A historic moment for a legendary player #FIFAWorldCup | @Cristiano pic.twitter.com/YbpOoQHgPP
— FIFA World Cup (@FIFAWorldCup) November 24, 2022
73-րդ րոպեին պատասխան գոլը խփեց Գանայի հավաքականի եւ Քաթարի «Ալ Սադ» թիմի 32-ամյա հարձակվող Անդրե Այուն։
78-րդ րոպեին Պորտուգալիայի հավաքականին հաշվի մեջ առաջ մղեց Մադրիդի «Աթելտիկոյի» 23-ամյա հարձակվող Ժոաու Ֆելիշը, որին գոլային փոխանցում կատարեց անգլիական «Մանչեսթեր Յունայթեդի» 28-ամյա կիսապաշտպան Բրունու Ֆերնանդեշը։ 2 րոպե անց Ֆերնանդեշի փոխանցումից հետո աչքի ընկավ Իտալիայի չեմպիոն «Միլանի» 23-ամյա հարձակվող Ռաֆայել Լեաուն։
88-րդ րոպեին Ռոնալդուի փոխարինվելուց 1 րոպե անց պորտուգալացիները եւս մեկ գոլ բաց թողեցին։ Սերբական «Ցրվենա Զվեզդայի» 23-ամյա հարձակվող Օսման Բուկարին կրճատեց հաշվի տարբերությունը։
Պորտուգալիան 3 միավորով գլխավորեց H խմբի մրցաշարային աղյուսակը։ 1-ական միավոր ունեն երկրորդ տեղը կիսող Ուրուգվայի եւ Հարավայի Կորեայի հավաքականները, որոնց հանդիպումն ավարտվել էր ոչ ոքի՝ 0:0։
ԱԱ-2022. H խումբ, առաջին տուր
Պորտուգալիա - Գանա՝ 3:2 (տեսանյութ)
Կրիշտիանու Ռոնալդու, 65, 11մ, Ժոաու Ֆելիշ, 78, Ռաֆայել Լեաու, 80 - Անդրե Այու, 73, Օսման Բուկարի, 89
Portugal unleashed #FIFAWorldCup | #Qatar2022 pic.twitter.com/t1s7zMoWb2
— FIFA World Cup (@FIFAWorldCup) November 24, 2022
André Ayew comes up big for the @GhanaBlackstars #FIFAWorldCup | #Qatar2022 pic.twitter.com/ru1FBvnfsL
— FIFA World Cup (@FIFAWorldCup) November 24, 2022
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.