Կոստա Ռիկայի հավաքականը կրկնել է իր հակառեկորդը

Աշխարհի առաջնության խմբային փուլի առաջին տուրում Իսպանիայի հավաքականից 0:7 հաշվով պարտություն կրած Կոստա Ռիկայի հավաքականը հակառեկորդ է կրկնել։

Աշխարհի առաջնությունների պատմության մեջ Կոստա Ռիկան միակ թիմն է, որը ամբողջ հանդիպման ընթացքում չի կարողանում գոնե 1 հարված կատարել մրցակցի դարպասին։

Կոստառիկացիները կրկնել են իրենց հակառեկորդը, հաղորդում է Opta-ն։ 1990թ․ աշխարհի առաջնության եզրափակիչ մրցաշարի խաղում նրանք չէին կարողացել նաեւ որեւէ հարված կատարել Բրազիլիայի հավաքականի դարպասին։ Այդ խաղում բրազիլացիները հաղթել էին 1:0 հաշվով։

Կոստա Ռիկայի հավաքականը հաջորդ հանդիպումը կանցկացնի նոյեմբերի 27-ին՝ մրցելով ճապոնացիների հետ։