ԱԱ-2022. Բելգիայի հավաքականի հաղթական մեկնարկը (ֆոտո, վիդեո)

00:55   24 նոյեմբերի, 2022

Աշխարհի առաջնության խմբային փուլի առաջին տուրում 2018թ․ աշխարհի առաջնության բրոնզե մեդալակիր Բելգիայի հավաքականը մրցեց աշխարհի առաջնության եզրափակիչ մրցաշարի ուղեգիր երկրորդ անգամ նվաճած Կանադայի թիմի հետ։ Իսպանացի Ռոբերտո Մարտինեսի գլխավորած թիմը հաղթեց նվազագույն հաշվով։

11-րդ րոպեին կանադացիները ստացան 11-մետրանոցի իրավունք, սակայն Գերմանիայի չեմպիոն Մյունխենի «Բավարիայի» 22-ամյա պաշտպան Ալֆոնսո Դեւիսը չկարողացավ գրավել Տիբո Կուրտուայի պաշտպանած դարպասը։ Մադրիդի «Ռեալի» 30-ամյա դարպասապահը սեյվ կատարեց (տեսանյութ)։

Բելգիայի հավաքականը հաջողության հասավ 44-րդ րոպեին։ Բելգիական «Անտվերպենի» 33-ամյա պաշտպան Տոբի Ալդերվեյրելդի փոխանցումից հետո աչքի ընկավ թուրքական «Ֆեներբահչեի» 29-ամյա հարձակվող Միշի Բատշուային (տեսանյութ)։

F խմբում Բելգիայի հավաքականը 3 միավորով գլխավորեց մրցաշարային աղյուսակը։ Երկրորդ տեղը կիսում են Խորվաթիայի եւ Մարոկկոյի թիմերը, որոնք խաղացել էին ոչ ոքի՝ 0:0։

Երկրորդ տուրում Բելգիայի հավաքականը նոյեմբերի 27-ին կմրցի Մարոկկոյի թիմի հետ։

ԱԱ-2022, F խումբ, առաջին տուր

Բելգիա - Կանադա՝ 1:0 (տեսանյութ)

Միշի Բատշուայի, 44

Չիրացրած 11մ՝ Ալֆոնսո Դեւիս (Կանադա),  11



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.