Դիեգո Մարադոնայի որդի․ Հորս եւ Մեսիին համեմատողները ոչինչ չեն հասկանում ֆուտբոլից
11:55 23 նոյեմբերի, 2022Լեգենդար արգենտինացի ֆուտբոլիստ Դիեգո Մարադոնայի որդին մեկնաբանել է Արգենտինայի հավաքականի պարտությունը Սաուդյան Արաբիայից (1:2) աշխարհի առաջնության խմբային փուլի առաջին տուրի խաղում։
«Դժվար է հավատալ, որ այս ամենը իրականություն է։ Խելահեղություն է Սաուդյան Արաբիային պարտվելը, բայց ֆուտբոլում երբեմն պատահում են այսպիսի սենսացիաներ։
Հորս եւ Մեսիին համեմատողները ոչինչ չեն հասկանում ֆուտբոլից։ Մենք խոսում ենք երկու տարբեր մոլորակների մասին, բայց ես չեմ ցանկանում այս պարտությունից հետո որեւէ բացասական բան ասել Մեսիի մասին»,- Դիեգո Արմանդո Մարադոնա կրտսերի խոսքը մեջբերում է Marca-ն։
Առաջին տուրից հետո C խմբում Սաուդյան Արաբիան (3 միավոր) առաջատարն է, Մեքսիկան ու Լեհաստանը 1-ական միավորով կիսում են երկրորդ եւ երրորդ տեղերը։ Արգենտինան (0) վերջինն է։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.