ԱԱ-2022. Ֆրանսիայի հավաքականի կամային հաղթանակը՝ 4:1 (ֆոտո, վիդեո)
01:00 23 նոյեմբերի, 2022Աշխարհի առաջնության խմբային փուլի առաջին տուրում աշխարհի չեմպիոն Ֆրանսիայի հավաքականը մցրեց ավստրալացիների հետ եւ հասավ 4:1 հաշվով կամային հաղթանակի։
Առաջինը հաջողության հասան ավստրալացիները։ Արդեն 9-րդ րոպեին աչքի ընկավ ավստրալական «Ադելաիդա Յունայթեդի» 30-ամյա հարձակվող Քրեյգ Գուդվինը (տեսանյութ)։
Craig Goodwin knows how to celebrate a fast start pic.twitter.com/4ZrgUFuYUN
— FIFA World Cup (@FIFAWorldCup) November 22, 2022
Դիդիե Դեշամի գլխավորած թիմը հավասարությունը վերականգնեց 27-րդ րոպեին։ Իտալիայի չեմպիոն «Միլանի» 25-ամյա պաշտպան Տեո Էրնանդեսի փոխանցումից հետո աչքի ընկավ Թուրինի «Յուվենտուսի» 27-ամյա կիսապաշտպան Ադրիեն Ռաբյոն (տեսանյութ)։
Տեո Էրնանդեսը 13-րդ րոպեին փոխարինել էր եղբորը՝ Լյուկա Էրնանդեսին, որը վնասվածք է ստացել։
5 րոպե անց Իտալիայի չեմպիոն «Միլանի» 36-ամյա հարձակվող Օլիվիե Ժիրուն գրավեց մրցակցի դարպասը (տեսանյութ)։ Ժիրուին գոլային փոխանցումը կատարեց Ռաբյոն։
68-րդ րոպեին ֆրանսիացիների երրորդ գոլը խփեց Ֆրանսիայի չեմպիոն ՊՍԺ-ի 23-ամյա հարձակվող Կիլիան Մբապեն (տեսանյութ), որին գոլային փոխանցում կատարեց Իսպանիայի փոխչեմպիոն «Բարսելոնայի» 25-ամյա հարձակվող Ուսման Դեմբելեն։
71-րդ րոպեին Մբապեի գերազանց փոխանցումից հետո դուբլ ձեւակերպեց Ժիրուն (տեսանյութ)։
Ֆրանսիան 3 միավորով գլխավորեց D խմբի մրցաշարային աղյուսակը։ 1-ական միավոր ունեն Դանիայի եւ Թունիսի թիմերը, որոնց հանդիպումն ավարտվել էր 0:0 հաշվով։
Երկրորդ տուրում Ֆրանսիայի հավաքականը նոյեմբերի 26-ին կմրցի դանիացիների հետ։
ԱԱ-2022, D խումբ, առաջին տուր
Ֆրանսիա - Ավստրալիա՝ 4:1 (տեսանյութ)
Ադրիեն Ռաբյո, 27, Օլիվիե Ժիրու, 32, 71, Կիլիան Մբապե, 68 - Քրեյգ Գուդվին, 9
Game @equipedefrance | #FIFAWorldCup pic.twitter.com/FWqadr7UcG
— FIFA World Cup (@FIFAWorldCup) November 22, 2022
A thrilling first half comes to an end #FIFAWorldCup | #Qatar2022
— FIFA World Cup (@FIFAWorldCup) November 22, 2022
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.