Անսու Ֆատի․ Ոչ մի ճնշում չեմ զգում աշխարհի առաջնությունից առաջ

«Բարսելոնայի» եւ Իսպանիայի ազգային հավաքականի 20-ամյա հարձակվող Անսու Ֆատին անդրադարձել է իր առաջիկա նորամուտին աշխարհի առաջնությունում Լուիս Էնրիկեի գլխավորած թիմում։

«Ես ոչ մի ճնշում չեմ զգում աշխարհի առաջնությունից առաջ։ Լիարժեք պատրաստ եմ։ Ցանկանում եմ իմ խաղով շնորհակալություն հայտնել Լուիս Էնրիկեին վստահության համար»,- Անսու Ֆատիի խոսքը մեջբերում է Barca Universal-ը։

Իսպանիայի հավաքականը նոյեմբերի 17-ին ընկերական խաղում 3:1 հաշվով պարտության էր մատնել Հորդանանի թիմին, Ֆատին դարձել էր մեկ գոլի հեղինակ։

Նոյեմբերի 20-ից դեկտեմբերի 18-ը Քաթարում անցկացվելիք աշխարհի առաջնության խմբային փուլում Իսպանիայի հավաքականի մրցակիցները կլինեն Գերմանիայի, Ճապոնիայի եւ Կոստա Ռիկայի թիմերը։