ԱԱ-2022. 1 միլիարդ եվրոյից բարձր տրանսֆերային արժեք ունեցող թիմերը
15:16 17 նոյեմբերի, 2022Քաթարում անցկացվելիք աշխարհի առաջնության ամենաթանկ թիմը ֆուտբոլիստների տրանսֆերային արժեքով Անգլիայի հավաքականն է, հաղորդում է CIES Observatory-ն։ Գարեթ Սաութգեյթի գլխավորած թիմի խաղացողների ընդհանուր տրանսֆերային արժեքը 1,5 միլիարդ եվրո է։ Ամենաթանկ խաղացողը Դորտմունդի «Բորուսիայի» 19-ամյա կիսապաշտպան Ջուդ Բելինգեմն է՝ 202 միլիոն եվրո։
Երկրորդ տեղում է Բրազիլիայի հավաքականը, որի 26 ֆուտբոլիստների ընդհանուր տրանսֆերային արժեքը գնահատվում է 1,45 միլիարդ եվրո։
Ամենաթանկ խաղացողը Մադրիդի «Ռեալի» 22-ամյա հարձակվող Վինիսիուս Ժունիորն է՝ 201 միլիոն եվրո։
Երրորդը աշխարհի չեմպիոն Ֆրանսիայի հավաքականն է՝ 1,33 միլիարդ եվրո։ Ամենաթանկ խաղացողը Փարիզի ՊՍԺ-ի 23-ամյա հարձակվող Կիլիան Մբապեն է՝ 185 միլիոն եվրո։
Մեկ միլիարդ եվրոյի սահմանը հատել են նաեւ Իսպանիայի (1,2 միլիարդ եվրո), Պորտուգալիայի (1,15 միլիարդ եվրո) եւ Գերմանիայի (1,02 միլիարդ եվրո) հավաքականները։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.