Մեսի․ Անհավանական կարեւոր է ԱԱ-ն ճիշտ սկսելը՝ առաջին 3 միավոր վաստակելը
11:13 12 նոյեմբերի, 2022Ֆրանսիայի չեմպիոն ՊՍԺ-ի եւ Ամերիկայի գավաթակիր Արգենտինայի հավաքականի 35-ամյա հարձակվող Լիոնել Մեսին նոյեմբերի 20-ին Քաթարում մեկնարկելիք աշխարհի առաջնությանն ընդառաջ նշել է առաջնահերթ նպատակի մասին։
«Սխալ է հիմա փլեյ-օֆֆի մասին մտածելն ու կանխատեսում անելը։ Պետք է մտածել միայն առաջին հանդիպման եւ խմբային փուլի մասին։ Անհավանական կարեւոր է ճիշտ սկսելը՝ առաջին 3 միավոր վաստակելը, ինչը կտա հոգեկան հանգստություն եւ վստահություն հաջորդ քայլի համար։
Անցած առաջնության ժամանակ մենք 1/8 եզրափակիչում մտածում էինք հաջորդ փուլերի մասին, բայց ամեն ինչ այլ կերպ դասավորվեց։ Այո, մենք հասկանում ենք, որ հավաքականն այժմ շատ լավ վիճակում է։ Ես շատ ընդհանրություններ եմ զգում այսօրվա եւ 2014-ի հավաքականի միջեւ, բայց պետք չէ մոռանալ, որ աշխարհի առաջնությունը շատ բարձր պահանջներ է ներկայացնում»,- Մեսիի խոսքը մեջբերում է Ole-ն։
Խմբային փուլում Արգենտինայի հավաքականի մրցակիցները կլինեն Սաուդյան Արաբիայի, Մեքսիկայի եւ Լեհաստանի թիմերը։
2014թ․ աշխարհի առաջնության եզրափակիչում Արգենտինան պարտվել էր Գերմանիային, 2018թ․ աշխարհի առաջնության 1/8 եզրափակիչում՝ Ֆրանսիային։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.