Ալեքսանդր Գրիգորյանը նշել է ԱԱ-2022-ի գլխավոր ֆավորիտին

Երեւանի «Ուրարտուի» եւ «Ալաշկերտի» նախկին գլխավոր մարզիչ, ռուսաստանցի մասնագետ Ալեքսանդր Գրիգորյանը նշել է նոյեմբերի 20-ին Քաթարում մեկնարկելիք աշխարհի առաջնության ֆավորիտին։

«Քանի որ այս առաջնությունը վերջինն է լինելու Մեսիի համար, անհավանական կարեւոր է դառնում նրա համար մրցաշարը։ Քանի որ նա ամենահանճարեղ ֆուտբոլիստն է, կանի հնարավոր առավելագույնը։

Արգենտինայի կազմը թույլ է տալիս հավակնել տիտղոսի։ Լաուտարո Մարտինեսը նույնպես կարող է միայնակ վճռել արդյունքը»,- Ալեքսանդր Գրիգորյանի խոսքը մեջբերում է «Матч ТВ»-ն։

Խմբային փուլում Ամերիկայի գավաթակիր Արգենտինայի հավաքականի մրցակիցները կլինեն Սաուդյան Արաբիայի, Մեքսիկայի եւ Լեհաստանի հավաքականները։