«Մասթերս»․ Նովակ Ջոկովիչը դուրս եկավ կիսաեզրափակիչ

00:23   5 նոյեմբերի, 2022

Աշխարհի նախկին առաջին ռակետ Նովակ Ջոկովիչը դուրս եկավ Փարիզում անցկացվող «Մասթերս» մրցաշարի կիսաեզրափակիչ։ Աշխարհի 7-րդ ռակետ սերբ թենիսիստը երկու սեթում պարտության մատնեց իտալացի Լորենցո Մուզետիին։ Պայքարը տեւեց 1 ժամ եւ 14 րոպե։

Կիսաեզրափակիչում Նովակ Ջոկովիչի մրցակիցը կլինի հույն Ստեֆանոս Ցիցիպասի եւ ամերիկացի Թոմի Փոլի դիմակայության հաղթողը։

Կիսաեզրափակիչի մյուս զույգը կազմել են կանադացի Ֆելիքս Օժե-Ալյասիմն ու դանիացի Հոլգեր Ռունեն։

Փարիզի «Մասթերսի» մրցանակային հիմնադրամը 5,4 միլիոն եվրո է։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։