Ջոկովիչը 90-րդ անգամ կխաղա «Մասթերսի» քառորդ եզրափակիչում

«Մեծ սաղավարտի» մրցաշարերի 21-ակի չեմպիոն, աշխարհի նախկին առաջին ռակետ Նովակ Ջոկովիչը 90-րդ անգամ հանդես կգա «Մասթերս» մրցաշարերի քառորդ եզրափակիչում։ Այդ ցուցանիշով սերբ թենիսիստը զիջում է միայն «Մեծ սաղավարտի» մրցաշարերի 22-ակի չեմպիոն, իսպանացի Ռաֆայել Նադալին, որը 99 անգամ է հասել «Մասթերս» մրցաշարերի քառորդ եզրափակիչ, հաղորդում է ATP-ն։

Փարիզի «Մասթերսի» երրորդ շրջանում Ջոկովիչը պարտության էր մատնել ռուսաստանցի Կարեն Խաչանովին։

Փարիզի «Մասթերսի» քառորդ եզրափակիչում կխաղան․

Կառլոս Ալկարաս (Իսպանիա) - Հոլգեր Ռունե (Դանիա), Ֆրենսիս Տիաֆո (ԱՄՆ) - Ֆելիքս Օժե-Ալյասիմ (Կանադա), Նովակ Ջոկովիչ (Սերբիա) - Լորենցո Մուզետի (Իտալիա), Ստեֆանոս Ցիցիպաս (Հունաստան) - Թոմի Փոլ (ԱՄՆ)։

Հանդիպումները տեղի կունենան նոյեմբերի 4-ին։