«Մասթերս»․ Աշխարհի առաջին ռակետ Ալկարասը քառորդ եզրափակիչում է

18:49   3 նոյեմբերի, 2022

Աշխարհի առաջին ռակետ Կառլոս Ալկարասը դուրս եկավ Փարիզում անցկացվող «Մասթերս» մրցաշարի քառորդ եզրափակիչ։ 19-ամյա իսպանացի թենիսիստը 6:1, 6:3 հաշվով պարտության մատնեց բուլղարացի Գրիգոր Դիմիտրովին։ Մրցախաղը տեւեց 1 ժամ եւ 11 րոպե։

Այս մրցաշրջանում Ալկարասը մասնակցում է ATP շարքի 17-րդ մրցաշարին եւ 12-րդ անգամ հասավ քառորդ եզրափակիչ։

Ալկարասի հաջորդ մրցակիցը կլինի ռուսաստանցի Անդրեյ Ռուբլյովի եւ դանիացի Հոլգեր Ռունեի դիմակայության հաղթողը։

Փարիզի «Մասթերսի» մրցանակային հիմնադրամը 5,4 միլիոն եվրո է։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։