Սիմոնե Ինձագի․ Մենք փլեյ-օֆֆ դուրս եկանք ծանր խմբից եւ երջանիկ ենք

18:13   2 նոյեմբերի, 2022

Իտալիայի փոխչեմպիոն Միլանի «Ինտերի» իտալացի գլխավոր մարզիչ Սիմոնե Ինձագին մեկնաբանել է Գերմանիայի չեմպիոն Մյունխենի «Բավարիայից» կրած 0:2 հաշվով պարտությունը Չեմպիոնների լիգայի խմբային փուլի վերջին տուրում։ Երկու թիմերն էլ ժամանակից շուտ ապահովել էին 1/8 եզրափակիչի ուղեգրերը։

«Մենք փլեյ-օֆֆ դուրս եկանք ծանր խմբից եւ երջանիկ ենք։ Մենք լավ խաղացինք շատ ուժեղ թիմի հետ։ «Բավարիան» լավագույններից մեկն է։

Կարող էինք հաշվի մեջ առաջ անցնել։ Բարելան ու Մարտինեսն ունեին գոլ խփելու հնարավորություն մինչեւ մեր բաց թողած ապուշ գոլը։ Դրանից հետո խաղը փոխվեց։ Ես գոհ եմ, որ մինչեւ վերջ պայքարի մեջ էինք»,- 49-ամյա մասնագետի խոսքը մեջբերում է ՈւԵՖԱ-ի մամուլի ծառայությունը։

C խմբում «Ինտերը» գրավել է երկրորդ տեղը։ «Բարսելոնան» երրորդն է եւ պայքարը կշարունակի Եվրոպայի լիգայի փլեյ-օֆֆում։

Չեմպիոնների լիգա, 6-րդ տուր, C խումբ

«Բավարիա» - «Ինտեր»՝ 2:0 (տեսանյութ)

Բենժամեն Պավար, 32, Էրիկ Շուպո-Մոտինգ, 72

«Վիկտորիա Պլզեն» - «Բարսելոնա»՝ 2:4 (տեսանյութ)

Թոմաշ Հորի, 51, 11մ, 63  - Մարկոս Ալոնսո, 6, Ֆերան Տորես, 44, 54, Պաբլո Տորե, 75

Մրցաշարային դրություն․ «Բավարիա»՝  18 միավոր, «Ինտեր»՝  10, «Բարսելոնա»՝  7, «Վիկտորիա Պլզեն»՝ 0։



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.