Մխիթարյանի գոլն ավելացված 5-րդ րոպեին հաղթանակ բերեց «Ինտերին»՝ 4:3 (ֆոտո, վիդեո)

Իտալիայի առաջնության 11-րդ տուրում փոխչեմպիոն «Ինտերը» հյուրընկալվեց «Ֆիորենտինային»։ Իտալացի Սիմոնե Ինձագիի գլխավորած թիմը հաղթեց 4:3 հաշվով ավելացված ժամանակում Հայաստանի հավաքականի նախկին կիսապաշտպան Հենրիխ Մխիթարյանի խփած գոլի շնորհիվ (տեսանյութ)։

Միլանյան թիմից դուբլի հեղինակ դարձավ արգենտինացի հարձակվող Լաուտարո Մարտինեսը։ Աչքի ընկավ նաեւ իտալացի կիսապաշտպան Նիկոլո Բարելան, որն արդեն երկրորդ րոպեին բացեց խաղի հաշիվը։

Մխիթարյանն առաջին անգամ գոլի հեղինակ դարձավ միլանյան ակումբում։

«Ինտերը» 21 միավորով 7-րդն է, «Ֆիորենտինան» 13-րդն է՝ 10 միավոր։

Իտալիայի առաջնություն, 11-րդ տուր

«Ֆիորենտինա» - «Ինտեր»՝ 3:4 (տեսանյութ)

Արթուր Կաբրալ, 33, 11մ, Նանիտամո Իկոնե, 60, Լուկա Յովիչ, 90 - Նիկոլո Բարելա, 2, Լաուտարո Մարտինես, 15, 73, 11մ, Հենրիխ Մխիթարյան, 90+5

È arrivato l'armeno che va come un treno #FiorentinaInter #ForzaInter pic.twitter.com/uS2zKSeBoe

— Inter (@Inter) October 22, 2022

Partita pazzesca! Ma i punti sono nostri #ForzaInter pic.twitter.com/KWvZj1IvUE

— Inter (@Inter) October 22, 2022