Անի Հովսեփյանը նվաճեց Եվրոպայի չեմպիոնի տիտղոսը։ Հայկական բռնցքամարտի պատմության մեջ նա առաջին կին չեմպիոնն է Եվրոպայի առաջնություններում։
Չեռնոգորիայի Բուդվա քաղաքում անցկացվող առաջնությունում, 70 կգ քաշային կարգի եզրափակիչում Անի Հովսեփյանը 4:1 հաշվով պարտության մատնեց Իռլանդիայի ներկայացուցիչ Քրիստինա Դեսմոնդին։
Կիսաեզրափակիչում բռնցքամարտի կանանց Հայաստանի հավաքականի անդամը 5:0 հաշվով հաղթել էր Չեռնոգորիայի ներկայացուցիչ Թամարա Ռադունովիչին:
Քառորդ եզրափակիչում Հովսեփյանը պարտության էր մատնել հունգարացի Ռեգինա Լակոսին:
Եվրոպայի առաջնությունում Հայաստանը նվաճել էր նաեւ երկու բրոնզե մեդալ։ 54 կգ քաշային Եկատերինա Սիչևան եւ 63 կգ քաշային Սոնա Հարությունյանը պարտվել էին կիսաեզրափակիչում։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։