Եվրոպայի լիգայի խմբային փուլի երկրորդ տուրից տեղափոխված խաղում Լոնդոնի «Արսենալն» ընդունեց հոլանդական «ՊՍՎ Էյնդհովենին»։ Իսպանացի Միկել Արտետայի գլխավորած թիմն առավելության հասավ նվազագույն հաշվով։
Միակ գոլը 71-րդ րոպեին խփեց շվեյցարացի կիսապաշտպան Գրանիտ Ջական։
Այս հաղթանակի շնորհիվ «Արսենալն» ապահովեց փլեյ-օֆֆի ուղեգիր․ 12 միավորով գլխավորում է A խմբի մրցաշարային աղյուսակը։
Նիդեռլանդների հավաքականի, «Մանչեսթեր Յունայթեդի» եւ «Ռեալի» նախկին աստղ Ռուդ վան Նիստելռոյի գլխավորած «ՊՍՎ Էյնդհովենը» 7 միավորով երկրորդն է։
Խմբում առաջին տեղը գրաված թիմը նվաճում է 1/8 եզրափակիչի, երկրորդ տեղը գրավածը՝ 1/16 եզրափակիչի ուղեգիր։ Երրորդ տեղ գրաված թիմերը պայքարը կշարունակեն Կոնֆերենցիաների լիգայի 1/16 եզրափակիչում։
Խմբային փուլի ավարտին մնացել է 2 տուր։
Եվրոպայի լիգա, A խումբ, երկրորդ տուրից տեղափոխված խաղ
«Արսենալ» - «ՊՍՎ Էյնդհովեն»՝ 1:0 (տեսանյութ)
Գրանիտ Ջակա, 71
Մրցաշարային դրություն 4 տուրից հետո․ «Արսենալ»՝ 12 միավոր, «ՊՍՎ Էյնդհովեն»՝ 7, «Բուդյո-Գլիմտ»՝ 4, «Ցյուրիխ»՝ 0։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։