ՄՕԿ-ը երկարաձգեց պատժամիջոցները Ռուսաստանի եւ Բելառուսի նկատմամբ

09:52   19 հոկտեմբերի, 2022

Միջազգային օլիմպիական կոմիտեի նախագահ Թոմաս Բախը հայտարարել է Ռուսաստանի եւ Բելառուսի մարզիկների եւ թիմերի նկատմամբ պատժամիջոցները երկարաձգելու մասին։ Պատճառը Ուկրաինայում ռուսական զինված ուժերի գործողություններն են, որոնք շարունակվում են այս տարվա փետրվարից։

Հարավային Կորեայի մայրաքաղաք Սեուլում ընթանում է Ազգային օլիմպիական կոմիտեների ասոցիացիայի գլխավոր ասամբլեան, որի ժամանակ է Թոմաս Բախը հայտարարել միջազգային մարզական ֆեդերացիաներին ուղղված հանձնարարականն ուժի մեջ թողնելու մասին, հաղորդում է championat.com-ը։ Ռուսաստանի եւ Բելառուսի թիմերը հեռացված են բոլոր միջազգային մրցումներից։ Որոշ մարզաձեւերում այս երկրների մարզիկները հանդես են գալիս չեզոք կարգավիճակում։

Այս պատժամիջոցների պատճառով Ռուսաստանն ու Բելառուսը չեն կարողանա մասնակցել 2024թ․ Փարիզի ամառային Օլիմպիական խաղերի վարկանիշային մրցաշարերին։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։