ԵԱ․ Էլիդա Քոչարյանը մեկնարկեց հաղթանակով

20:57   16 հոկտեմբերի, 2022

Չեռնոգորիայի Բուդվա քաղաքում անցկացվող բռնցքամարտի կանանց Եվրոպայի առաջնությունում հաղթանակով մեկնարկեց Եվրոպայի երիտասարդների առաջնության մրցանակակիր Էլիդա Քոչարյանը։

1/8 եզրափակիչում Հայաստանի ներկայացուցիչը մեծ առավելությամբ հաղթեց լեհ Ժակլինա Կլաուդիային, հաղորդում է ՀԲՖ-ի մամուլի ծառայությունը։

Առաջին ու երկրորդ ռաունդներում հայ մարզուհին նոկդաունի ենթարկեց մրցակցին` ոչ մի վայրկյան կասկածի տակ չդնելով հաղթանակը։

1/4 եզրափակիչում Էլիդա Քոչարյանի մրցակիցը կլինի չեխ Լանկա Բերնարդովան։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։