Զարուհի Գրիգորյանը հեռացել է գեղարվեստական մարմնամարզության Հայաստանի հավաքականի գլխավոր մարզիչի պաշտոնից

12:47   14 հոկտեմբերի, 2022

Գեղարվեստական մարմնամարզության Հայաստանի հավաքականի գլխավոր մարզիչ Զարուհի Գրիգորյանը իր դիմումի համաձայն ազատվել է պաշտոնից, հաղորդում է ՀՄՖ-ի մամուլի ծառայությունը:

«Հարգելի՛ մարզիչներ, սիրելի՛ մարզուհիներ, աշխարհի առաջնության անհաջող մրցելույթից հետո որոշում եմ կայացրել այլևս չշարունակել գլխավոր մարզչի պաշտոնում իմ աշխատանքը և իմ հրաժարականի դիմումը ներկայացրել եմ ՀՄՖ նախագահ պարոն Վանոյանին։

Շնորհակալություն եմ հայտնում բոլոր մարզիչներին համատեղ աշխատանքի համար, իմ շատ սիրելի մարզուհիներ շարունակեք քրտնաջան մարզվել, և ես վստահ եմ, որ կգա ժամանակ և մենք կունենանք բարձր արդյունքներ։ Շնորհակալութուն եմ հայտնում պարոն Վանոյանին նման հնարավորություն ինձ ընձեռելու և վստահության համար : Ես կշարունակեմ իմ աշխատանքը ՝ մարզելով և կատարելագործելով նոր մարզուհիներ։

Շնորհակալ եմ»,- գրել է Զարուհի Գրիգորյանը։

Նա այս տարվա փետրվարին էր նշանակվել թիմի գլխավոր մարզիչ։

 



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։