Չեմպիոնների լիգայի խմբային փուլի չորրորդ տուրի հանդիպումների արդյունքում՝ շաբաթվա լավագույն ֆուտբոլիստ է ճանաչվել Լոնդոնի «Տոտենհեմի» հարավկորեացի հարձակվող Սոն Հին Մինը, հաղորդում է ՈւԵՖԱ-ի մամուլի ծառայությունը։
Ֆրանկֆուրտի «Այնտրախտի» դեմ խաղում Սոն Հին Մինը դարձել է դուբլի հեղինակ, անգլիական թիմը հաղթել է 3:2 հաշվով։ «Տոտենհեմը» 7 միավորով D խմբի առաջատարն է։
Սոն Հին Մինը երկրորդ գոլն այդ խաղում ճանաչվել է շաբաթվա լավագույն գոլ։
5-րդ տուրում «Տոտենհեմը» հոկտեմբերի 26-ին Լոնդոնում կմրցի պորտուգալական «Սպորտինգի» հետ, որն առաջին խաղում 2:0 հաշվով հաղթել էր լոնդոնյան թիմին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։