Վիգեն Խաչատրյան․ 6 ծանրորդով կմասնակցենք Մ-23 ԵԱ-ին, թիմը շատ լավ մարզավիճակում է
17:22 12 հոկտեմբերի, 20226 ծանրորդով կմասնակցենք Եվրոպայի մինչեւ 23 տարեկանների առաջնությանը: Լավ մարզավիճակում ենք մեկնում Ալբանիա:
Այս մասին NEWS.am Sport-ի թղթակցի հետ զրույցում հայտնեց ծանրամարտի Հայաստանի հավաքականի գլխավոր մարզիչ Վիգեն Խաչատրյանը:
Առաջնությունը կանցկացվի հոկտեմբերի 16-25-ը Ալբանիայի Դուրես քաղաքում։ Հայաստանի հավաքականը այս օրերին վերջին մարզումային օրերն է անցկացնում Երեւանում Ալբանիա մեկնելուց առաջ:
Տղամարդկանց Հայաստանի հավաքականը մրցավայր կմեկնի մարզիչ Վիգեն Խաչատրյանի գլխավորությամբ:
«Եվրոպայի Մ23 առաջնությանը կմասնակցենք 6 ծանրորդով՝ 73 կգ քաշային կարգ Արմեն Գրիգորյան, 81 կգ՝ Կարեն Մարգարյան, 89 կգ՝ Վարդան Մանուկյան, 96 կգ՝ Արա Աղանյան, 109 կգ Յաշ Մինասյան եւ +109 կգ Վարազդատ Լալայան:
Թիմը շատ լավ մարզավիճակում է: Մի քանի հավաքներ ենք անցկացրել: Սպասում ենք լավ արդյունքների»,- նշեց Վիգեն Խաչատրյանը:
Եվրոպայի առաջնությանը զուգահեռ կանցկացվի նաեւ Եվրոպայի երիտասարդական առաջնությունը:
Լուսինե Շահբազյան
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։