Մեսի․ Կցանկանայի դառնալ ակումբի մարզական տնօրեն
00:25 7 հոկտեմբերի, 2022Ֆրանսիայի չեմպիոն ՊՍԺ-ի եւ Ամերիկայի գավաթակիր Արգենտինայի հավաքականի 35-ամյա հարձակվող Լիոնել Մեսին պատմել է, թե ինչով է ցանկանում զբաղվել ֆուտբոլիստի պրոֆեսիոնալ կարիերան ավարտելուց հետո։
«Մարզիչ դառնալու մտադրություն չունեմ, բայց Զիդանն էլ ժամանակին նույնն էր ասում, իսկ հետո դարձավ մարզիչ եւ երեք անգամ նվաճեց Չեմպիոնների լիգայի գավաթը։
Ես կցանկանայի դառնալ ակումբի մարզական տնօրեն, որպեսզի կարողանայի թիմ հավաքել, աշխատել մարզիչների հետ։ Բայց դեռ ինքս վստահ չեմ, թե ինչ եմ ցանկանում»,- Մեսիի խոսքը մեջբերում է BarcaJuniverse-ը։
Ավելի վաղ Մեսին հայտարարել էր, որ նոյեմբեր-դեկտեմբերին Քաթարում անցկացվելիք աշխարհի առաջնությունը վերջինը կլինի իր կարիերայում։ ՊՍԺ-ի հետ Մեսիի պայմանագիրը կավարտվի հաջորդ ամռանը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։