Ֆուտբոլի Կոնֆերենցիաների լիգայի խմբային փուլի երրորդ տուրում Հայաստանի չեմպիոն «Փյունիկը» Երեւանի Վազգեն Սարգսյանի անվան «Հանրապետական» ստադիոնում ընդունեց Լիտվայի չեմպիոն «Ժալգիրիսին»։
Եղիշե Մելիքյանի գլխավորած թիմն առավելության հասնելով 2:0 հաշվով։ 44-րդ րոպեին աչքի ընկավ բրազիլացի պաշտպան Ժունինյոն, որն օգտագործեց վենեսուելացի կիսապաշտպան Ալեխանդեր Գոնսալեսի փոխանցումը։
61-րդ րոպեին «Փյունիկի» առավելությունը կրկնապատկեց նիգերիացի հարձակվող Յուսուֆ Օտուբանջոն։ Գոլային փոխանցումը կատարեց Հայաստանի հավաքականի կիսապաշտպան Հովհաննես Հարությունյանը։
«Փյունիկը» երկրորդ անընդմեջ հաղթանակը տարավ Կոնֆերենցիաների լիգայում։ Երկրորդ տուրում երեւանյան թիմը տանը 2:0 հաշվով հաղթել էր Սլովակիայի չեմպիոն «Սլովանին»։
H խմբի մյուս խաղում շվեյցարական «Բազելը» կընդունի «Սլովանին»։ Այդ հանդիպումը կմեկնարկի Երեւանի ժամանակով 23:00-ին։
Կոնֆերենցիաների լիգա, երրորդ տուր
«Փյունիկ» - «Ժալգիրիս»՝ 2:0 (տեսանյութ)
Ժունինյո, 44, Յուսուֆ Օտուբանջո, 61
«Բազել» - «Սլովան»՝ 23:00 (Երեւանի ժամանակ)
Մրցաշարային դրություն․ «Բազել» (2 խաղ)` 6 միավոր, «Փյունիկ»՝ 6, «Սլովան» (2 խաղ)՝ 1, «Ժալգիրիս»՝ 1:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։